آوقـآت آســتـجـآبــه آلدعــوة

بسم الله الرحمن الرحيم


السلام عليكم ورحمة الله وبركاته


كيف حالكم وكيف حال قلوبكم مع الله


اسأل الله ان يملى قلوبنا واياكم بـ ذكره,,وان يجعلنا ممن تذكره في وقت الغفلات..امين


اخواتي اغلبنا اذا مو كلنا ,,نعرف اوقات استجابة الدعاء..مثلآ بين الأذان والإقامة بعد الصلاة عند المطر ..الخ


لكن الكثير منا مايعرف او مايجي في باله وقت معين,,هذا الوقت الدعوة فيه لاترد اذا ذكرتي الله فيه


هذا الوقت اسمه وقت الغفلة


ذاكر الله في غفلة الناس له من الاجروالمكانه الرفيعة,,,

اعرف وحده سبحان الله العظيم مو باين فيها كثير إلتزام

لكنها تقول {بفضل الله اذا شفت الناس غافلة ,,ربي يلهمني ذكره,,وعرفت انه اقرب الاحوال الى الله,,

تقول حسيت بلذة وبنشوى استطعمها بينما اللي جالس بجنبي يفتقدها...سبحان الله

تحسين بقرب الله منك وتحسين انك في معيته وحفظه وتحت كنفه سبحانه

والله اني مااذكر اني دعيت الله في هذا الوقت إلا واستجاب الله لي ,,فضل منه والحمدلله}


فـ شوفوا يا اخواتي الاماكن والاحوال اللي الناس تغفل فيه عن الله وعن ذكر الله وعن عبادة الله

مثلآ في الاسواق

مكمن الشهوات اللي تملء هذه الاماكن,,وتحيط بها الفتن من كل جانب

لان الناس تكون مشغولة بالدنيا وزينتها ومتاعها ,, والقلب معلق بـ شهواتها...

فذاكر الله في مثل هالاماكن اللي تكثر فيها الغفلة ربي يحبه,,

واذا ربي احب العبد اكيد انه بيكرمه وبيرفعه وبيعطيه من خير الدنيا والاخرة


حتى ان بعض السلف كان يقصد السوق ليذكر الله فيه بين أهل الغفلة

( التقى رجلان منهم في السوق ، فقال أحدهما لصاحبه : تعال حتى نذكر الله في غفلة الناس ، فخلوا في موضع ، فذكرا الله ،

ثم تفرقا ، ثم مات أحدهما ، فلقيه الآخر في منامه ، فقال له : أشعرت أن الله غفر لنا عشية التقينا في السوق ؟ << الله أكبر


او مثلآ كنت ِنايمة وفي سابع نومة,,

جاتك صحوة وتبين تقلبين لشقك الثاني "هنا" اذكري الله وادعي

ومن السنة اذا تقلب العبد في نومه ان يقول(( لا إله إلا الله الواحد القهار, رب السموات والارض ومابينهما العزيز الغفار))


عشان كذا كان دعاء التعار من الليل مستجاب,,لان قليل اللي يذكر الله هو مغموس في اقوى والذ شهوة وهي شهوة النوم

فقال رسول الله صلى الله عليه وسلم عار من الليل فقال لا إله إلا الله وحده لا شريك له له الملك وله الحمد وهو على كل شيء قدير الحمد لله وسبحان الله ولا إله إلا الله والله أكبر ولا حول ولا قوة إلا بالله
ثم قال اللهم اغفر لي أو دعا استجيب له فإن توضأ وصلى قبلت صلاته ) .<<<لاحظتوا كيف الذكر سبق الدعاء..؟؟


انت هنا لو ذكرتي الله فيه يستجاب وتقبل توبتك وترفع درجات ,,,ويحبك الله



او مثلآ اذا كنتِ في وسط جلسة وضحك و وسوالف وهرج وتنكيت وجو الجلسة مايتفوت

ؤ انتِ خليتي بـ قلبك وانت جالسة بينهم

النية وذكرتي الله لوبـ سبحان الله وبحمده سبحان الله العظيم والله اكبر

وانوي فيها عبادة في غفلة الناس وعمل صالح في السر ترجين بها الفردوس الاعلى بلاحساب ولا سابقة عذاب

وان يحبك الله


وياحبذا لو قمتي وانفردتي بنفسك و صليتي ركعتين,,رغم مافي هذه الجلسة من متعة و وناسة

إلا انك غلبتي شهوة نفسك وفضلتي تصلين والناس غافلة

قال رسول الله صلى الله عليه وسلم وهو يحث على قيام الليل في وقت تكون الناس نائمة او لاهيه بمتع الدنيا وغافلة

قال :»إن استطعت أن تكون ممن يذكر .. في تلك الساعة فكن،:»

وفي هذا إشارة إلى فضيلة التفرد بذكر الله في وقت من الأوقات لا يوجد فيه ذاكر له